miss_baio معلم أول
عدد الرسائل : 35 العمر : 53 تاريخ التسجيل : 06/08/2008
| موضوع: كن ايجابي!!!!!!!!! الأحد أغسطس 24, 2008 10:03 pm | |
| دعوة لحجب المواقع الأباحية بمصر شارك و كن إيجابى المشاركة فى النقاش من هنا --
بسم الله الرحمن الرحيم السلام عليكم ورحمة الله وبركاته
دعوة عامة الى حجب المواقع الاباحية بمصر !!!!!! منقول من أحد الإخوة بارك الله فيهم وجزاهم الله خيرا
هل تؤيد حجب المواقع الاباحية بمصر
يوم 7 يونيو، 2008
لماذا لا يتم حجب المواقع الاباحية فى مصر ؟
هو ايه فائدة عدم حجب المواقع الاباحية فى مصر ؟ مش عارف.......صح؟؟؟؟
بتزود الدخل مثلا ؟ ....لأ بتجيب سياحة ؟....... لأ بتجيب دولار ؟....... لأ بتجيب ضعف جنسى ؟...... اه بتجيب خراب فى البيوت ؟...... اه بتجيب وبتشجع على جرائم الاغتصاب ؟ ......اه
الخ الخ الخ الخ .........
طب ساكتين ليه فى مصر عليها ؟ مش عارف طب سؤال تانى لو مصر حجبت المواقع الاباحية هيبقى خير ولا شر ؟ طب لو خير منعملوش ليه ؟ طب لو شر منمنعوش ليه ؟
وأهم الأشياء الضرورية التي ترعاها الشريعة الإسلامية لجميع رعاياها، ألا وهي : الدِّين، النفس، العقل، النسل، والمال والمواقع الاباحية بلا ريب تقضى عليها جميعاً
حاجة تجنن المجنون ............ الموضوع ده شاغلنى منذ فترة كبيرة ومش عارف ازاى ممكن يتحقق ! يعنى مين يساعد! مين يضغط على أصحاب القرار فى الموضوع ده ! كلنا شفنا مثلاً دعوات الاضراباللى ملت الانترنت بمعدل كل شهر اضراب، وفيه منها كان له تأثير ومنها لأ، وبغض النظر عنها انا اللى يهمنى ان الانترنت ده عفريت قوى كامن ممكن يعمل تغيير نحو الخير ونحو الشر وانا هنا ان شاء الله ادعوكم جميعاً الى الخير وهو ايه دعوة عامة الى حجب المواقع الاباحية بمصر !!!!!!
انا متفائل بنجاح الموضوع ده ليه؟لانه مش ضد حد خالص (بيتهيألى كده) ومحدش هيقدر يدافع عن عدم الحجب ! ( أتمنى لان فيه ناس بجحة بشكل غريب )لانه سوف يتم اتهامه بتهم اخلاقية ذميمة وهيترمى فى مزبلة التاريخ وهيخاف يدافع حتى لو من جواه مش موافق لسبب او لاخر! ......صح؟؟؟
الامارات طبقت الحجب فى أبريل 2008 --- طيب مصر امتى ؟
فلو قلنا الدش صعبازاى هنمنع القنوات الاباحية ؟ طيب الانترنت سهل جداً عن طريق حجب الآى بى ويتم تطبيق ذلك فى معظم الدول العربية مثل الامارات والسعودية وغيره يعنى الفكرة مش جديدة بس ليه مش مطبقة فى مصر مش عارف ! طب انت عارف طيب تريحنى وتقولى ؟
بس عاوزك تتخيل حاجة صغيرة ان شاء الله لما الموضوع ده يتحقق ( قريب ان شاء الله ) هتبقى ليك كام حسنة عند المولى عزوجل انك شاركت فى حماية شباب بلادك ! متخيل باختصار الموضوع جاهز وعاوز زقة صغيرةمنك ومنى ومن كل مسلم غيور على دينه وانا مستغرب جداً هو ازاى فى بلد اسلامى وبلد الازهر كمان لم يتم حجب المواقع من البداية مش من دلوقتى وبس !!! بس مش مهم اهو ما لا يُدرك كله لا يُترك كله، ونلحق اللى لسه مشافش ومعرفش ... وناخد احنا الثواب ان شاء الله انا دخلت على موقع ترتيب المواقع لكل بلد فلقيتفى معظم الدول العربية كام موقع جنسى فى صدارة أكثر مائة موقع يدخلها المواطنون العرب، فى مصر مثلاً المواقع الاولى جوجل وياهو وميكروسوفت وفيسبوك ومصراوى والبلوجز ومواقع رفع الملفات وبداية هذه المواقع الاباحية من رقم 25 تخيل ده بيدخلوا كام مليون مصرى يومياً ؟؟؟
** لو حد ممكن يُلحق الموضوع ده بالحملة اللى كانت منتشرة على الفضائيات لعلاج حالات ادمان المخدرات واهو كله ادمان برضوا يبقى كتر خيره ** لو حد يعرف نائب فى مجلس الشعب يتبنى تقديم طلب احاطة يبقى كتر الف خيره ** لو حد يعرف يوصل لقناة فضائية تعرض الموضوع وتتبناه يبقى كتر الف خيره ** لو ممكن اى مصمم يزودنى بمجموعة تواقيع وشعارات وخلفيات تخدم الموضوع ** وان شاء الله انت انوى خير بس وربنا هيشرح صدرك لفكرة تحقق الهدف ان شاء الله تعالى وانا حاسس انى لو مكتبتش فى المدونة دى غير الموضوع يكفينى ذلك لانى حسب علمى لم أسمع عن حملة بهذا الشأن أبداً ولا طلب من أى جهة وكأن الموضوع ده من المسلمات – هو كده --وبفضل الله لو حد سبقنى اهو برضوا أكرر الطلب وأكمله ان شاء الله
ـــــــــــــــــــــــــــــــــــــــــــــ لا تدع الرسالة تقف عندك , انشرها واحتسب الأجر والثواب من الله عز وجل DO NOT LET THE MESSAGE STOPS AT YOU , SPREAD IT AND HOPE FOR CONSTANTS FROM ALLAH
اجعل النت وسيلة تقربك إلي الله ....فإن لم يقربك من الله فلا شيء في الدنيا يستحق ان تبتعد عن الله بسبه | |
|
معتز الديب معلم أول
عدد الرسائل : 48 العمر : 34 المزاج : بلاي ستيشن تاريخ التسجيل : 05/08/2008
| موضوع: والله فكرة جامدة الأحد أغسطس 24, 2008 11:43 pm | |
| الكلام ده كلام جميل وبالاخص واحنا داخلين علي شهر رمضان الكريم اللهم تقبل منا ومنكم ولو كل واحد حرم الحاجات دي علي نفسه ربنا هيكرمه انشاء الله ونبدأ نصلح من نفسنا ببدايه رمضان | |
|
abdel-wahed كبير
عدد الرسائل : 79 العمر : 34 تاريخ التسجيل : 05/08/2008
| موضوع: دعوه الي الاصلاح الإثنين أغسطس 25, 2008 10:39 am | |
| ايوه كده يكون المنتدي هادف | |
|
snipar كبير
عدد الرسائل : 76 العمر : 44 المزاج : رياضي تاريخ التسجيل : 07/08/2008
| موضوع: مش ها يتحجب الثلاثاء أغسطس 26, 2008 5:03 am | |
| مش ها تتحجب.!!!انا بقول لك مش ها تتحجب...!!! انت عارفه ليه...؟؟؟ علشان في مصر ازمة اسمها ازمة الزواج ...!!! علشان في 25مليون شاب عاطل عن العمل...!!! علشان العنوسة زادت بين البنات...!!! علشان الشباب مش لاقي ياكل...!!! علشان الشباب محرك اساسي لكل دولة...!!! علشان الايمان ضعف في قلوبهم ...!!! علشان الشباب يتسلي وينسي الحقيقة...!!! علشان الكبار يفضلوا علي كراسيهم...!!! علشان الشباب ميتجهوش للتيار الاسلامي وده اخطر حاجه عليهم...!!! وعلشان........!!! وعلشان........!!! وعلشان........!!! وعلشان........!!! وعلشان........!!! وعلشان........!!! وطبعا مفيش حاجه من دي اصلا بتحصل في الامارات...!!! علشان كده المواقع دي مش ها تتحجب. معلهش انا مش بكسر مجاديفكم بس دي الحقيقة والله...ودي وجهة نظري ومش عايزاي حد يفهمني غلط....!!! | |
|
moh_y_med2004 كبير
عدد الرسائل : 84 المزاج : عالي جداً تاريخ التسجيل : 06/08/2008
| موضوع: كل شيء ممكن ؟؟؟؟ الأربعاء أغسطس 27, 2008 4:09 pm | |
| ممكن يتقفل بفاير ول يقفل كل المواقع الاباحية | |
|